中午時分，一中年cap帽男仕(X生)係髮健門口徘徊咁望下望下，望完左又望右，史蒂芬先生(史生)心諗，呢度賣洗頭水架，唔係洗髮水或有嗰D(廟街有好多好嘢
)好嘢俾你………咁史生就屁癲屁癲咁行過去問X先生
史生 : (好禮貎咁問) 有乜可以幫到你?
X生 : (抬頭一望，應該心諗: 屎肥佬，呢間舖請肥佬做sales架
，基於禮貌，佢都係問咗)你哋有冇防脫洗頭水呀?
史生 : 我哋有架，不過……..你知唔知因乜甩頭髮呀?
X生 : 我估年紀大，頭髮生慢咗，所以頭髮少咗……
史生 : (不屑咁望住佢) 年紀大新陳代謝差頭髮生慢咗唔出奇，但唔會少咗囉，會唔會其他原因如遺傳之類(戴住帽睇唔到佢有幾少頭髮)?
X生 : 我覺得應該係肝有問題?史生 : 如果肝有問題而導致你甩頭髮，咁你應該搵肝專科醫生喎，你搵我幫你唔到架，任何防脫髮洗頭水都幫你唔到架，你搵返專科醫生醫好你個肝，甩頭髮就會改善，搵我幫你唔到架。
X生 : 我覺得啫(跟住行咗入舖睇見我有生髮洗頭水)，乜你哋有生髮洗頭水賣架?
史生 : 生髮洗頭水都幫你唔到架，你唔解決脫髮問題既話任何識飛既生髮水都幫你唔到架，比如你油多(因為大多數男仕屬油多)，你唔控制咗油脂分泌先，仲要比營養佢，咁油脂分泌會更加多，我賣俾你其實係害咗你，所以我哋唔會立亂賣洗頭水俾人架。
X生 : 咁點搵架?
史生 : 要檢測咗你頭皮先，搵出原因先可以對症下藥的X生準備坐底做檢測
史生 : 你對上一次幾時洗完頭?
X生 : 今朝呀，洗完到依家大約3個鐘史生 : 咁唔使檢測住，因為評估油份多少需要12~24小時，如果你想準確D咁明天過來唔好洗頭再檢測啦。
結果X先生問明天開幾點後灰溜溜咁走咗
說時遲，那時快，俾人一個月餅蓋車埋後尾枕，鋼琴小姐(髮健美女sales) : 你老味，有客入來唔諗辦法賣嘢，仲趕人走，敗家仔，點做生意架，以后唔準企檔，返後欄洗大餅…….
(呢段純粹搞笑，髮健唔會發生的)